الرئيسية أخبار لقاءات مقالات تاريخ النادي الفريق الأول فيديوهات خلفيات صور صحف اتصل بنا المنتدى أخبار الكرة المصرية

stopped

Saturday, 21 August 2010

English

أحدث الأخبار

المباراة القادمة جدول الدورى المباراة السابقة

الجمعة 20 أغسطس - 21:30

الأهلـى طلائع الجيش

الدورى المصرى

الأحد 6 أغسطس

الأهلى 0 0 إتحاد الشرطة

الدوري العام

نقاط	لعب	الفريق	الترتيب
3	1	وادي دجلة	1
3	1	المصري البورسعيدي	2
3	1	إنبـــــــي	3
3	1	الإسماعيلى	4

المزيد

ذكاء شبانة و تهور عمر وتحفظ البدرى يهديان المحلة ثلاث نقاط على حساب الأهلى

أخر تحديث فىالإثنين 08, فبراير 2010 , 19:21

كتبه : كريم عادل , فى الإثنين 08, فبراير 2010 , 18:00

تعرض النادى الأهلى لهزيمة غير متوقعة بهدفين نظيفين على أرض غزل المحلة فى مباراة ستثير جدلا تحكيميا بسبب طرد لاعبين هم وائل جمعة قائد الأهلى و عماد عثمان لاعب المحلة ليرتفع رصيد المحلة لواحد وعشرون نقطة فى المركز الثامن ويتوقف رصيد الأهلى عند 35 نقطة فى الصدارة بفارق أربع نقاط عن الإسماعيلى .

تشكيل المحلة : 5/3/2

حراسة المرمى : إبراهيم فرج

الدفاع : محمد محروس العتراوي ، عماد عثمان 46، عمرو رمضان .

الوسط : عبد الحميد شبانه ، عبد الرحيم طه ، إسلام طاهر ، صلاح سليمان ، هشام أبو خليل .

الهجوم : محمود جاكسون ، أحمد حسن دروجبا

تشكيل الأهلي : 4/4/2

حراسة المرمى : أحمد عادل عبد المنعم

الدفاع : أحمد علي ، شريف عبد الفضيل ، وائل جمعه 40، عبدالله فاروق .

الوسط : مصطفى شبيطه ، أحمد فتحي ، حسام عاشور ، محمد بركات .

الهجوم : فرانسيس دوفوركي ، محمد فضل .

بدأت المباراة بضغط محلاوي معتاد في المبارايات التي دائما ما تجري في المحلة وسط حماس واضح من مشجعي المحلة الذين كانوا معترضين على تعيين الحكم فهيم عمر كحكم المباراة بعد أزمة مباراتهم السابقة مع الشرطة الذي طرد من المحلة به لاعبين و حكم ضريتى جزاء للشرطة .

و مع الدقيقة الثامنة ينتج الضغط المحلاوي عن خطأ فادح من المدافع الأيمن للأهلى أحمد علي الذي يصطدم بسذاجة بلاعب المحلة شبانه الذي سقط داخل المنطقة ليحكم فهيم عمر حكم المباراة ضربة جزاء لمحلة يضعها محمود جاكسون على يمين أحمد عادل ليعلن هدف المحلة الأول .

تشهد الدقائق التالية حالة صحيان من لاعبي الأهلي الذين بدئوا ضغط من كل جوانب الملعب على مرمى جانب إبراهيم فرج ، و يضيع جمعه كرة رأسية بعد تدخل مع الحارس إبراهيم فرج .

مع منتصف الشوط الاول تنحصر المباراة في وسط الملعب وسط أخطاء و فاولات متبادلة نتيجة لتداخلات عنيفة من الجانبين و حاول الفهيم عمر تحزيم المباراة الغاية في الحماسة بين الجانبين .

و بالدقيقة الثالثة و الثلاثين يطلق شبيطة تسديدة رائعة ببطن القادم تخطىء مرمى فرج بسنتيمترات قليلة ، و يضيع بركات بعده بثلاث دقائق كرة داخل منطقة الستة يضعها بركات قوية أعلى مرمى فرج .

و مع الدقيقة الأربعين يطرد وائل جمعه من جانب الأهلي بعد تدخل عنيف على نفس اللاعب عبد الحميد شبانه ليستكمل النادي الأهلي المباراة بعشرة لاعبين ، و بعد الكرة بدقيقة واحدة يتغاضى عن طرد لاعب المحلة عماد عثمان بعد تدخل عنيف دون كرة مع عبد الفضيل .

و في الدقيقة الأولى من الوقت المحتسب البدل الضائع يطرد الحكم فهيم عمر عماد عثمان لتدخل لا يستدعي إطلاقا أى كارت لكن يبدو أن الحكم أحس بخطأه فيي عدم طرد عثمان في كرة عبد الفضيل السابقة و بعد أربع دقائق محتسب بدل ضائع يطلق الحكم فهيم "الغريب جدا " عمر صافرة نهاية الشوط بعد شوط في منتهي التوتر .

بدأ الشوط الثانى ودفع الكابتن حسام البدرى باللاعب محمد سمير بدلا لأحمد على و لعب عبد الله فاروق على الجهة اليمنى .

وبعد 45 ثانية فقط، فاجأ المحلة لاعبو الأهلى بالهدف الثانى غير المتوقع على الإطلاق بعد تسديدة من عبد الحميد شبانة التى إرتطمت بالقائم بعد محاولة أحمد عادل عبد المنعم لتأتى لأحمد حسن"دروجبا" الذى وضعها فى المرمى الخالى لتتصعب المهمة كثيرا على لاعبو الأهلى وجهازه الفنى .

وبعد الهدف، وضح ضغط لاعبى الأهلى بشدة على مرمى المحلة نظرا للموقف الحرج الذى يمر به الفريق وسعيا لتعويض فارق الهدفين فى مباراة صعبة مثل مباراة الغزل على أرض المحلة .

وفى الدقيقة 56 دفع البدرى باللاعب الشاب شهاب الدين أحمد بدلا من مصطفى شبيطة، وفى الدقيقة 59 يتحصل محمد بركات على كرة حرة غير مباشرة على حدود المنطقة ويتحصل اللاعب صلاح سليمان على ورقة صفراء ويسددها أحمد فتحى فى الحائط البشرى و تخرج لركنية لصالح الأهلى التى يضيعها فرانسيس بعد عرضية فتحى .

ويدفع محمد رضوان المدير الفنى للمحلة باللاعب سيد عبد المغنى بدلا من المهاجم صاحب الهدف محمود جاكسون، ويحاول المحلة الإستحواذ على الكرة بعد رؤيته للاعبى الأهلى وهم يقتربون من مرى إبرتهيم فرج .

وفى التغيير الأخير للأهلى ، يدفع البدرى بمهاجمه أسامة حسنى بدلا من محمد فضل فى المحاولة الأخيرة منه للعودة بالفريق للمباراة التى تأزمت بشدة على الأهلاوية .

وبدءا من الدقيقة 70 بدأ جدمهور الأهلى بإشعال الشماريخ و زيادة التوتر فى المباراة خاصة على لاعبو المحلة و جماهيره و مؤازرة لاعبو الأهلى .

و كانت الفرصة الأخطر للمحلة فى الشوط الثانى فى الدقيقة 76 بعد أن تسلم "دروجبا" الكرة فى مناطق الأهلى و لعبها لأبو خليل الذى وضعها خارج الملعب برعونة شديدة .

و ظهر على لاعبى الأهلى فى الربع ساعة الأخير العجز الكامل عن تسجيل أهداف و عدم وجود حلول هجومية للمهاجمين حسنى"العاجز" و فرانسيس .

ومع إقتراب نهاية المباراة، قلّت هجمات الأهلى على مرمى إبراهيم فرج حتى الدقيقة 90 فى كرة عرضية تلقاها فرانسيس داخل المنطقة و سددها فى الزاوية الصعبة لفرج الذى تصدى لها ببراعة .

وأعلن الحكم الرابع سبعة دقائق وقت ضائع للمباراة، وظل اللاعبين يقاتلون حتى الدقيقة الأخيرة من عمر المباراة ولكن دون جدوى بسبب الحصون الدفاعية للمحلة والتى كان من الصعب عليهم تخطيها .

وإنتهت أحداث اللقاء بفوز المحلة بهدفين نظيفين ليحقق فوزا غير متوقعا على الإطلاق صعد بهم ثلاث مراكز مرة واحدة ويرتفع رصيدهم إلى 21 نقطة فى المركز الثامن .

كتبه محمود بلال فى الثلاثاء 09, فبراير 2010 , 18:47 عيب..عيب..عيييييييييييب أوى يا كاتب المقال

يتقال على المحترم وابن النادى واللاعب اللى ياما فاد الفريق "العاجز" وفين ؟
فى موقع أهلاوى

عيييييييييييييييييب

كتبه masrya for ever فى الثلاثاء 09, فبراير 2010 , 01:47 لكل جواد كبوه

ياريت بلاش كل شويه نقول حسين ياسر هو يعني مفيش غيره الاهلي هيفضل الاهلي بيه ومن غيره يعني هو طول عمره في الاهلي ما الاهلي علي طول بياخد بطولات من غيره احنا اصلا ما كناش عايزينه علشان كان بيغلط في الاهلي في الصحف علشان مش بيلعب ما في غيره مش بيلعب ومحترمين نفسهم والنادي اللي هما فيه اكيد كان الجاهز الفني شايف فيه حاجه احنا مش شايفنها هو ادري بلاعبته وياريت ما نتحملش علي حسام البدري اكتر من كده هو معذور اللعيبه لسه ما عندهاش خبره اللعيبه الكبيره الغايبهةالحمد لله ان الهزيمه جات بدري علشان الاهلي ياخد باله من اخطائه قبل فوات الاوان ويا ريت اللي ينتقد اي حد سواء البدري او اللعيبه يكون نقد بناء احنا عايزنهم يبقوا احسن مش نقلل عزيمتهم وياريت رابطه المشجعين والجماهير الاهلويه الوفيه تقف بجانب فريقها اللي دايما مفرحها ورافع رأسها ولكل جواد كبوه بتحصل في اكبر الانديه الاوربيه المهم الانتفاضه تكون سريعه وتكون للافضل

كتبه كريم البندارى فى الثلاثاء 09, فبراير 2010 , 01:24 والله كل الجماهير ال كتبة 10 على 10

اولا انت يابدرى مغلوب ازاى متنزلش مهاجم مكان شبيطة وعبدالله فارق مش مكانة وفى ناشى باك شمال حكاية فين العجيزى وبعدين احمد على مبيعرفش يرفع وانت بتلعب 442 طيب ازاى وعبد الله شرحة بجد الماتش دة لا اسال العيب اسال الادارة وحسام البدرى والاهلى فى خطر بجد وربنا يستر الكلام دة كلة على الاداء وليس النتيجة

كتبه buffon فى الإثنين 08, فبراير 2010 , 23:17

يا شماتة ابلة ظاظا فينا
يا شماتة عمرو اديب فينا

كتبه buffon فى الإثنين 08, فبراير 2010 , 23:14 الاسامي لعبت

الظاهر ان البدري نسي ينزل اللعيبة نزل التيشرتات بس

كتبه هانى الاهلاوى فى الإثنين 08, فبراير 2010 , 22:03 شئ متوقع

انا مش هقول حسام البدرى ماينفعش كوتش لا هو ينفع بس مش للاهلى ده اولا ثانيا بقى النهارده ومن الاخر احسن اتنين كانوا بيلعبوا احمد فتحى وحسام عاشور غير كده مفيييييييش ويمكن اول مره اشوف عشور كويس كده ثالثاانا عايز اسأل كابتن حسام بيه البدرى انت واخد معاك باك شمال فى المتش ده من الشباب وهو ايمن اشرف ليه ملعبش مكان عبد الله فاروق اللى هو اصلا مش مكانه؟؟؟ رابعا ليه مشيت حسين ياسر وامير سعيود؟؟ ورفضت التعاقد مع عبد الفتاح الاغا مهاجم الاتحاد السورى وهداف فرقته وهداف المنتخب وعنده 24 سنه فقط وفى المقابل اتمسكت وبشده بوجود الموظفين احمد افندى بلال واسامه افندى حسنى اللى بيمضوا فى النادى كل صبح ويمشوا!!؟ خامسا انا عايز اسأل اداره الاهلى ليه تراجعتوا عن التعاقد مع كالابا لاعب المنتخب الزمبى واحد افضل لاعبى المنتخب فى امم افرقيا ومن قبلها تصفيات كاس العالم وتركتوه بكل سهوله للزمالك؟؟؟؟... الحل هو تدعيم شامل لخطوط الاهلى ما عادا الدفاع يعنى بدايه من نص الملعب المهلهل مرورا بالاجناب ونهايه بالهجوم الضعييييف لابعد الحدود وفوق ده وده والاهم من ده كله البحث عن مدرب محترم له اسمه فى عالم التدريب من الان للتعاقد معه اخر الموسم لان الاهلى مش نادى صغير عشان يدربه انصاف واشباه مدربيين وعندكم الخليج واروبا مليانه مدربين.. نظره للخليج وللمهاجمين الافارقه اللى هنا اه اه اه حاجه تفرررررررح بجد والله

كتبه عصام غازى-الهانوفيل فى الإثنين 08, فبراير 2010 , 21:53 كفاية كده يا بدرى

حرام عليك ياراجل بقى ده ماتش تلعبه يا
راجل اتقى الله

كتبه مصطفى كابو فى الإثنين 08, فبراير 2010 , 21:30 يا بدرى

egypt.de.pn

فيلم ( طـيـر إنـت ) DvdRip

كليب ( عمرو دياب - بقدم قلبى 2010 )

أحدث الاغانى السينجل لعيد الحب ( تامر - رامى - يارا - جنات )

الافلام العربية 2010 ( كلمنى شكرآ - أحاسيس - بالالوان الطبيعية )

egypt.de.pn

كتبه عاشق الاهلي فى الإثنين 08, فبراير 2010 , 21:19 ارجوكم تسمعوني لاني بعشق الاهلي

لاني بحب الاهلي ولاني ما بنام لما الاهلي يكون وحش ولانو ان كانت المعطيات سليمه النتائج حتكون سليمه ارجوكم اسمعوني ووصلوا الرساله للجنةالكوره:
*نعم شبانه اكبر ممثل بس الحكم بيعمل ايه وشوفو الاعاده وتصدقوا وتسلم ايدك يا جمعه
*الاهلي جي على وضع مخوف ومتوقع ولازم نلحقوه وما يغركش نتائج الدور الاول لانو العروض وحشهوناقوس الخطر مش من اليوم دق -كم نقطه خسر الدور الاول
*حسام البدري انا بحبو قوي ايام لعبه ومع جوزيه
لكن اسف ما يصلح لتدريب الاهلي وبلاش نضحك على بعض
-- تشكيله المباراة سيئة --التغيرات اسوا هو جوزيه كان يميزو غير التغييرات
-- مين ده اللي لعب بدل شبيطه --فين عفرتو-فين احمد شكري
-- ليه ماغيرش فرانسيس وجرب هاني واسامه وبلال
-- ليه روح حسين ياسر وهو في الحاجه اليه هو في ايه
-ليه ساب صديق يعمل عمايله في الاسماعيلي ومن قبله حسن مصطفى.
*احمد علي افضل من صديق ما بلاش النفخ على الفاضي
*بركات هيعمل ايه لوحدو
*احمد فتحي الله يحميك لانك راجل واحسن لاعب في مصر
*لازم البدري يراجع حساباته قبل فوات الاوان
*هو يعني في غيابات الاهلي يروح ويبطل كوره وربنا يستر

كتبه مصطفى عاشق الاهلي الجميل فى الإثنين 08, فبراير 2010 , 21:18 إلى نجمي الجيل حسام بك عاشور والشيخ اسامة ارحلا؟؟؟

بصراحة عمري ما شفت الاهلي وتحديدا الجيل ده بهذا السوء سواء في اللعب او التنظيم او حتى أ باء كرة قدم التمرير خط وسط ضعيف بقيادة المبدع (حسام بيه عاشور)!!! الذي يعتبر نفسه للأسف لاعب صاحب امكانيات كبيرة مع العلم أني واقسم بالله قبل هذا الماتش اساسا غير مقتنع به فهو لاعب وسط من النوعية القديمة التي تعتمد على الدفاع فقط وليس له اي بصمة هجومية ولو انفرد بالمرمى لن يهز الشباك وطبعا ضعف ونزول مستوى احمد فتحي وتمريراته السيئة ومجاملة البدري للشيخ أسامة حسني الذي هو اصبح متخصصا في الوقوف في التسلل لا ادري لماذا المجاملات في الاهلي لماذا تم اخراج فضل مع انه من الممكن ان يخطف هدف في اي لحظة على الاقل كان يتحرك ويجري مش زي الشيخ اسامة اللي واقف على طول في مصيدة التسلل

كتبه ااحمد فى الإثنين 08, فبراير 2010 , 21:13 ولا يهمك يا يا حسام انت والاعبين

احنا مش علشان خسرنا ماتش هنلوم البدرى والاعبين . فى غيابات كتير. وان شاء الله الجاى افضل . عندنا الغيابات احمد حسن.تريكه.متعب.اينو.حلبرتو.معوض.كتير

كتبه mido فى الإثنين 08, فبراير 2010 , 20:48 حراااااااااااااااااااااااااااااااااااااااااام

والله العظيم حرام اللي بيحصل ده انا نفسي اعرف ازاي واحد زي حسام عاشور ده بيلعب كوره لا والمشكله والمصيبه الاكبر ازاي بيلعب في الاهلي والله حرام يلمس كوره في اي نادي

كتبه رانيا السكرى فى الإثنين 08, فبراير 2010 , 20:35 حرااااااااااام

لأ ياأهلوية كده مينفعش عشان خسرنا ماتش يبقى نعيب ف كابتن حسام من إمتى واحنا بنحاسب بالقطعة ده برده كابتن حسام اجرأ مدرب ف تاريخ الاهلى نجح ف تغيير الخطة وصعد ناشئين وخلص الدور الاول بدون هزائم والاهلى ف المركز الاول كعادته يمكن تكون المشكلة ف عدم الانسجام او عدم وجود فترة اعداد او ارهاق او000000000 حاجات كتير بس مش كلها حسام البدرى لأ والف لأ يااهلوية

كتبه محمد صلاح محمد فى الإثنين 08, فبراير 2010 , 20:24 حرام يافاشل يا فاشل يافاشل

ليه كده حسبى الله ونعم الوكيل فى كل اللى باذى الاهلى حكام ومدرب ولعيبه فاشله ومستحملين وهما ولالالالالالالالالالا فى عندهم دم حتى يحسو المدرب مفكرها العزبة بتعته واللعيبه اللى نايمه وعرفه انها هتلعب انا راضى ضمركم حسام عاشور ده يلعب فى الاهلى فرانسس محمد فضل اسامه حسنى بلال وكتير اوى منهم اللى بيلعب اللى ما بيلعبش بينزل مبيعملش حاجه برضه

كتبه أهلاوي فى الإثنين 08, فبراير 2010 , 20:20 معذور ولكن

الكابتن حسام البدري معذور في الغيابات الكثيرة ولكن غير معذور:
1ـ في توظيف اللاعبين عبد الله فاروق كان يلعب في غير مركزه رغم اصطحابه لأيمن أشرف معه وإلا ما فائدة اصطحابه معه؟
2ـ أسامة حسني لاعب خلاص لا يجيد التحرك ولا عنده أي سرعة ولا شيء نهائي، وفضل كان أفضل منه خلال الفترة التي كان فيها؟
3ـ فرانسيس لازم يتعود إنه بيلعب جد مش بيلعب تقسيمة وهتنتهي؟
4ـ لماذا لم يلعب العجيزي وأعتقد أن الكل يجمع على أنه كان لابد أن يلعب بدلا من أسامة لأنه طويل وكل لاعبي المحلة متمركزين داخل المنطقة؟
5ـ أين لاعبي الشباب عفرتو ومحمد طلعت؟؟

كتبه كريم حامد الصده فى الإثنين 08, فبراير 2010 , 20:18 ايه اللى حصل

ايه اللى حصل ده ياجماعه هو ده الأهلى اللى كنا بنستنا بكل صبر ان الدورى يبدأ لا ماينفعش كده وبعدين فى خلطه لحسام البدرى انه مجهزش حد من الشباب فى الشمال كلن لازم يحهز حد وكمان فرانسيس ايه ده كمان ده ماينفعش يلعب فى نادى كبير ذى الأهلى ده كان بيمرن ابراهيم فرج وكمان بركات كان ماله ايه اللى حصله

كتبه alhlally فى الإثنين 08, فبراير 2010 , 20:18 الجمهور

الى جماهيرالاهلى العظيمة ان ان نتعلم البلطجةوالصوت العالىحتى تخشانا لجنة التحكيم وحكامها الظلمه ونتظاهرامام الاتحاد ويجب على المدربين اثارة الجماهيروالتهديد بتصيدالامر الى هيئة الامم ولى سؤال عند البدرى هو كان فيه فى الاجازة ؟؟؟؟؟؟؟؟؟؟؟؟

كتبه masrya for ever فى الإثنين 08, فبراير 2010 , 20:17 فين جمهور الاهلي في التشجيع

يا جماعه لازم جمهور الاهلي يفوق هو كمان راح فين احسن جمهور في افريقيافين الاعلام الاهلويه الكتير وفين الهتافات اللي الاهلي مشهور بيها ولازم ما ننساش ان جمهور الاهلي له تأثير كبير علي الفريق اللي دايما واقف معاه في الفوز والهزيمه لازم الجمهور يرجع تاني ونشوفه ونسمع هتافاته الاهلويه اللي اتشهر بيها ياريت رابطه المشجعين تنظم الموضوع ده زي الاول واحسن الجماهير لها عامل قوي في الماتشات لازم اللعيبه تحس بوجودها وتسمع صوتها يا ريت نشوف ده من الماتش اللي جاي ان شاء الله

كتبه omar56 فى الإثنين 08, فبراير 2010 , 20:10

بصراحه الاهلى وحش جدا اللعيبه تايه والبدرى مع كامل احترامى كان خارج الخدمه والنتيجه اداء سئ وهزيمه مستحقه لكن العذر الوحيد غياب كم كبير من اللعيبه والمهم الجى يكون احسن

كتبه tarek فى الإثنين 08, فبراير 2010 , 20:09 سرعة الاتفاق

يرجى التكرم من ادارة الأهلى سرعة الاتفاق مع المهاجم المتميز عبد الحميد شبانة قبل الندم

كتبه masrya for ever فى الإثنين 08, فبراير 2010 , 20:07 الاهلي هيفضل الاهلي

يا جماعه هو احنا في اخر الدور الاول نشكر جدا في حسام البدري ومن اول هزيمه نشتم فيه ما ينفعش كده هو طبعا له اخطاء بس مش لوحده اللعيبه النهارده كأنها اول مره تلعب مع بعضها مش دي روح الفانله الحمراء اول مره نحس ان الاهلي هايخسر دايما الاهلي بيلعب لاخر لحظهواغلب فوز الاهلي في اخر وقت ودا كان دليل علي ان الاهلي بيكون مصمم علي الفوز انما النهارده مش عارفه فيه ايه اصبات الاهلي الكتيره دي اكيد في حاجه غلط في مدرب الاحمال والجهاز الطبي كده ماينفعش وبعدين اي واحد مصاب بياخد وقت علي ما يرجع في فورمته ليه كده والحكم النهارده ما كنش عادل لازم شبانه ده كان اتطرد عشان تمثيله الواضح جدا اتعلم من ناس ما نحبش نكون زيهم بس ده ما يمنعش ان الاهلي كان وحش جدا

كتبه أهلاوي فلسطيني فى الإثنين 08, فبراير 2010 , 20:05 غريبة !!

غريبة فعلاً ،، هو الأهلي لعب النهارده ؟!!

كتبه ahmed فى الإثنين 08, فبراير 2010 , 20:01 هههههههه

يا اهلاوية ماتزعلوش كفاية اننا عرفنا ان نص فريقنا بالمدير الفني لازم يمشوا وكمان ع راي هيثم فاروق فيه 2 هنود ف الاهلي فرانسيس واحمد علي وفيه دار مسنيين ف الاهلي اسامة حسني وبلال
نفسي اعرف ليه العجيزي احسن مهاجم ف مصر مش بيلعب

كتبه نتدى احمد شكرى ahmedshokry.net فى الإثنين 08, فبراير 2010 , 19:58 نتدى احمد شكرى ahmedshokry.net

نتدى احمد شكرى ahmedshokry.net

كتبه على ابراهيم فى الإثنين 08, فبراير 2010 , 19:56 البدرى

الوقتى بقى حسام البدرى وحش سبحان الله حسام البدرى قبل الماتش كان مدرب كبير عمل فريق جديد للاهلى وكورة جميلة الوقتى بقى وحش لو جوزية كان فى نفس الموقف كنا هنقول الغيبات ونطلع المبررات سبحان الله

كتبه خالد فاروق فى الإثنين 08, فبراير 2010 , 19:56 فين الاهلى ؟؟

هو مين الى كان بيلعب انهارده ؟؟ دول لاعبين الاهلى ؟؟

ايه المستوى ده ؟؟ ولا حسام البدرى كان بيعمل ايه طول فتره التوقف ؟؟؟؟ دحنا داخلين على بطوله افريقيا هنعمل فيها ايه ؟؟

ايه المستوى الزفت ده وايه الاعيبه الزفت دى ؟؟؟

وايه الى بيحصل لاداره الاهلى مالهم مقرطين ع الفلوس اوى كدا ؟؟ كل الصفقات بتفشل بسبب الفلوس

دحنا معندناش ولا مهاجم سوبر ولا حتى متعب لما يرجع
احنا عاوزين مهاجم من نوعيه عمرو ذكى كدا

واحد يشيل خط هجوم
وايه فرانسس ده انا مش فاهم

حسبى الله ونعم الوكيل احنا داخلين فى منحدر زى الى دخل فيه الزمالك بالمستوى الزفت ده وقدمانا كام سنه على ما نعمل فريق زى الى كان عندنا

كتبه عبير فى الإثنين 08, فبراير 2010 , 19:48 ماذا حدث اليوم؟

أول مرة أدخل للتعليق, فعلا اتحرق دمي اليوم, أين ذهبت روح الفانلة الحمراء, أين الحب, أين التعاون, أين روح الفوز؟ وما هذا التشكيل العجيب؟ ولماذا الإصرار على وجود فرانسيس ؟ أتمنى الإستفاقة سريعاولم الشمل حتى يعود الأهلي الحبيب قوي كما كان وامام كل الفرق القوية والضعيفة. أهلاوية حتى النخاع.

كتبه اهلاوى فى الإثنين 08, فبراير 2010 , 19:42 اهلاوى

ياجماعه واللهى حسام البدرى كويس بس ميبقاش الراجل الاول هو اوكى ينفع يبقى مدير فنى للاتصالات او الجونة او انبى مثلا بس ياجماعه اللى يدرب الاهلى لازم يبقى راجل بيقرا الماتش ويعرف يغامر زى جوزيه من الاخر مش هو ده بتاع الاهلى ياجماعه

كتبه ميدو فى الإثنين 08, فبراير 2010 , 19:29 البدرى

بصراحة حسام البدرى ليى نظرة مستقبلية للنادى الاهلى لانة مشى المحمدى وسعيود وساب طبعا بلال وحسنى وفضل وفرانسيس وكمان فى تغييراتة جامدة قوى طلع شبيطة الى كان بيحاول يشوط على المرمى وساب عاشوررررررررررر بية فى الملعب بصراحة الاهلى انا مطمئن علية جدا هوا فين عفرتو صيح انا ناسية كان ممكن يكون لية دور فى ظل عدم وجود صانع لعب

كتبه عاشقة الاهلى فى الإثنين 08, فبراير 2010 , 19:29 تحكيم غير عادل

ضربة الجزاء التى احتسبها فهيم عمر غير مبررة .
وحسبى الله ونعم الوكيل

كتبه magdy فى الإثنين 08, فبراير 2010 , 19:21 شوية نقط

.كابتن حسام البدرى له بعض العذر لانه صانع اللعب موقوف او مصاب
. مالوش عذر فى تجهيزجناح شمال من الناشئين لانه معروف لو معوض وجلبرتو ما رجعوش مصابين ها يرجعوا مرهقين
.اسلوب واضح فى الدورى بعد بطولة افريقيا هو الضغط بعنف على المهاجمين على الاقل يعنى لااللاعب الضعيف ولا قصير القامه ولامتوسط المهاره ينفعوا ولا داعى لذكر اسماء
.وائل جمعه تعرض للاستفزاز واستجاب له برغم خبرته واستحق الطرد
.العنف اصبح سمة الدورى وشوفوا ماتش بتروجت والاتحاد فلا بد عند اختيار الناشئين وشراء الصفقات من اعتبار الفات البدنيه والدليل فشل ياسر محمدى فى الاهلى لانه لايستكيع اللعب تحت ضغط وعنف
. احمد على اخد فرصه كامله والحساب آخر الموسم ولن يكون فى صالحه

كتبه د.هشام فى الإثنين 08, فبراير 2010 , 19:20 حرام عليكم

الأهلى النهارده كان مستواه درجه تانيه وبيلعب عشوائى من غير مهاجمين وأحمد على ذكاؤه محدود فى الملعب الفرق التانيه ضمت مهاجمين وبركات شغل نفسه بالفضائيات وحلنى على ميوصل لمستواه هو وابو تريكه والأهلى كان بيتدلع وبعدين كثرة الأصابات مسئولية مدرب الأحمال وسياسة الإعتماد على الناشئين غلط مفيش فيهم حد مميز ممكن يفرق فى نتيجة المباراه والأهلى يفتقد العين الخبيره التى تكتشف المواهب وربنا يستر على الأهلى الموسم دا

كتبه أبوسلطان فى الإثنين 08, فبراير 2010 , 19:14 بصراحه هزيمه مستحقه

ياجماعه كفايه بحس عن مبررات الأهلى النهاردة مايستحقش التعادل ولازم نعترف بوجود الكثير من الاخطاء - هوه بركات كان بيلعب النهاردة - وبعدين وائل لما انطرد كان بيغطى على مين - وهل كان هناك فترة اعداد - ياريت اللى يكتب يكون فاهم كورة

كتبه midooooooooo فى الإثنين 08, فبراير 2010 , 19:14 هاردلك للاهلى

انا اسمعلاوى وبقول هاردلك للاهلى وانشاء الله هتكون فى منافسه شريفه بينا وبينكو دون تعصب

كتبه ناصر فى الإثنين 08, فبراير 2010 , 19:13 اعداد سئ تشكيل غريب وتواضع فرنسيس واحمد علي

منذ متي الاهلي يهتم بالحكام انظرو الي الحقيقة واتركو شماعة التحكيم الاعداد كان سئ جدا بدليل في 55 يوم لم يلعب الا ثلاث مباريات ودية ضعيفه جدا علاوة علي ضعف الشديد في الظهير الايمن احمد عادل كل مبارة انزار خلال فترة التوقف لم ينجح الجهاز الفني في توفير البديل من شباب النادي او من الخارج الاصرار علي لعب عبدالله فاروق في ظهير هو لايصلح لهذا المكان سبق فشله في مبارة اللاسماعيلي تواضع مستوي فرنسيس وقصر طولة وضعفه الشديد في التحكم بالكرة او المرور من الذي اشتراه التشكيل خطا جدا هذة المبارة يتحمل مسئوليتها بالكامل الجهاز الفني ومن اشرك فرنسيس وفضل معا هما ليس لديهم القدرة علي القتال علي الكرة او التحكم فيها ويجب محاسبة من تعاقد معهم علاوة علي النادي الوحيد في مصر معظم لاعبية مصابين وهذا يدل علي سوء اعداد اللاعيبة وتدريب خطا وجهاز طبي سئ

كتبه اسلام فى الإثنين 08, فبراير 2010 , 19:01 الاهلى

بصراحة سبب الهزيمة البدرى واللة ماهو فاهم حاجة راجل مغلوب وبيلعب ناقص حتى المحلة ناقصة وبيغير دفاعى وبعدينن تاخيراتة ماخرة جداا وبحس انة مش فاهم بلعب مين مكان مين وكدة احسن علشان يعرف قيمة المحمدى وسعيود واللة حرام البدرى لازم يمشى هو وبلال واسامة حسنى واى لاعب مش بيغير على الاهلى علشان كدة حرراااام وربنا يسترها السنة دى

كتبه yasor فى الإثنين 08, فبراير 2010 , 19:00 المحله استحق الفوز

السلام عليكم ورحمه الله وبركاته
اولا انا بعشق حاجه اسمها النادى الاهلى بموت فيه
ثانيا المحله استحق الفوزر وكلنا كاهلاويه بنباركله ونقوله الف مبروك هو كان الافضل واستحق نقاط المباراه كامله
ااحنا كنا اقل فى صناعه الفرص
مافيش اى ايجابيه على مرمى المحله نهائى
اول مره من خمس سنين احس ان الاهلى مش هيعوض الفارق ده
مش حاسس بروح النادى الاهلى بين اللاعبين نهائى
فى عصبيه واضحه قوى على احمد فتحى (اخد انذار) ووائل جمعه (كارت احمر)
بركات هو كان بيلعب النهارده ؟
فرانسيس مش وحش فرانسيس كويس بس التيم بتاع الاهلى النهارده كان كله وحش يعنى مش نحمل المسئوليه على فرانسيس والكلام ده
عموما ده فى الاول والاخر ماتش من 3 بونط حصل خير ونتدارك الاخطاء سريعا ان شاء الله ونستعيد نغمه الفوز على الشرطه ان شاء الله ونكمل مسيرتنا ف الدفاع عن اللقب
اهلاوى..

كتبه ابو راشد فى الإثنين 08, فبراير 2010 , 18:55 التمثيل

الاهلي كان في اسوأ حالاته -- وكان الممثل العالمي عبد الحميد شبانة اكثر من رائع في التمثيل وليس في الكورة -- انظلم وائل جمعة بهذا الطرد-- وانظلم احمد عادل عبد المنعم بسبب هذين الهدفين ولا يسأل عنهم ابدا -- والدفاع السبب في الهدفين -لكن الكورة يا غالب يا مغلوب -- والله يوفق الاهلي في المباريات القادمة ان شاء الله -- ولا تزعل يا وائل ياجمعة وانت ايضا يا احمد عادل عبد المنعم لا تزعل لان الهدفين ما بغلطتك والله يوفقك --- المفروض كان الحكم طرد الممثل شبانه لان هذه مباراة كرة قدم وليست في التمثيل

كتبه شوقى ابو سيف فى الإثنين 08, فبراير 2010 , 18:37 حبيبى يا بدرى

بسم الله الرحمن الرحيم,عزيزى عدلى بيه القيعى تحيه طيبه وبعد,اشهد الله اننى احبك فى الله وانارجل مصرى محب بل عاشق للنادى الحبيب الاهلى ولى امل ان اتحدث معك لان عندى مقترحات اود ان اخبرك بها والله اعلم انك محب لهذا الكيان اكثر منى ولاكننى ارى بعض الاشياء اود ان اطلعك عليها ارجوا من اصدقائى فى الموقع عدم نشر هذه الرساله وتبليغها لك .شكرا

كتبه محمود فى الإثنين 08, فبراير 2010 , 18:20 معلش يا جماعة

بجد يا جماعة مفيش حد مبيخسرش بس الغلط ان احنا لما نخسر نقول انه غير مستحق لا المحلة كان احسن وبصراحة في لعيبة بتستهبل زي وائل وفتحي مش عارف ليه

كتبه bond فى الإثنين 08, فبراير 2010 , 18:19 حسام البدرى

انا متفق مع الاخ والصديق كتبه وليد رشدى
حسام البدرى السبب راجل مش مركز فى شغله كفاية علية

كتبه وليد رشدى فى الإثنين 08, فبراير 2010 , 18:09 حسام البدرى

والله حسام البدرى السبب راجل مش مركز فى شغله
ولا فتره اعداد ولا اي حاجه حاجه تفلق
وبلاش حرق دم اكتر من كده

كتبه امح عدلى على فى الإثنين 08, فبراير 2010 , 17:05

ممكن حد يفسر الكورة اللى الحكم الدولى فهيم عمر احتسبها على الاهلى ضربه جزاء تيجى ازاى
والصفارة اللى على الفاضى والمليان وعمللنا صداع تكون ازاى.......

كتبه منتدى احمد شكرى ahmedshokry.ne فى الإثنين 08, فبراير 2010 , 17:03 منتدى احمد شكرى ahmedshokry.net

منتدى احمد شكرى ahmedshokry.net

*الإسم :

*البريد الإلكترونى :

عنوان التعليق :

*التعليق :

*أدخل الحروف :