خاص| انتقال مؤمن زكريا للأهلي "في مهب الرياح".. مرتضى يشعل اللحظات الآخيرة!

عدد التعليقات: 17

كتبه : شـــادي ألمــاظ فى الأربعاء 17 ديسمبر 2014, 13:52

علم "أهلي نيوز" بتراجع النادي الأهلي عن فكرة التعاقد مع مؤمن زكريا في انتقالات يناير.

ويأتي سبب خروج الأهلي من الصفقة اقناع مرتضى منصور اللاعب بالبقاء مع الزمالك بالفترة المقبلة خاصة في ظل تمسك باتشيكو بخدماته ، ليؤكد زكريا لرئيس الزمالك انه لن يلعب للأهلي.

وكشفت بعض المصادر من إدارة إنبي بتفضيلهم بيع اللاعب للقلعة البيضاء خلال المرحلة المقبلة ولك من أجل الحصول على قيمة المستحقات المتأخر لهم من صفقة اسلام عوض والتي تقدر بـ 3 ملايين جنيه ، بالإضافة إلى بيع زكريا للزمالك بشكل نهائي مقابل 6 ملايين جنيه.

وعلى هذا يقترب بقوة مؤمن زكريا من الاستمرار مع الزمالك بالفترة المقبلة ، بينما مازالت إدارة الأهلي تراقب الموقف على أمل حدوث أي عراقيل في الصفقة بين إنبي والزمالك.

شاهد ايضا...

...الأهلي [2 من 8 ] بانتقالات الصيف!!

متابعة: عمر علي

أضف تعليقك : (الموقع غير مسئول بأى شكل عن تعليقات القراء و المسئولية بالكامل تقع على الكاتب)

الإسم

البريد الإليكترونى (لن يظهر)

التعليق

إضافة

الخميس 18 ديسمبر 2014, 10:33 كتبه: ابو احمد

الاهلي ما بيجري ورا لاعب ما بدوش يلعب للاهلي بعدين هو الخاسر الوحيد لازم لعيبة الزمالك تتعلم من صبري رحيل كتب لنفسه تاريخ بعد انظمامه للاهلي اخد بطولات مع الاهلي بكرة بيفتخر بيها وبتكون في رصيده انا بقول للعيبة الزمالك هو صبري رحيل اخد ايه وهو بيلعب مع الزمالك بكرة بتشوفو الزمالكانا ببشركو مش هياخد الدوري بعدين بنشوف مرتضي منصور ايش يعمل بيكو حيرميكو علي مزابل التاريخ زي ما رمي الي قبلكو بعدين بنشوف تفضيلكو اللعب مع الزمالك عن الاهلي

الخميس 18 ديسمبر 2014, 08:59 كتبه: مسعود عفيفى

على فكرة الاهلى عمره ما كان هيضم هذا اللاعب ولكن الاهلى كان بيقدم خدمه لانبى لتحصيل باقى مستحقات اسلام عوض وبكره نرى ونعرف الحقيقة والدليل على صدق كلامى وجود أكثر من لاعب بيلعبوا فى نفس مكانه فى الاهلى وافضل منه مائة مرة واتركونا لانهاية الموسم واحكموا على مستوى هذا الاعب اللى ماشية معاه بالبركه .

الخميس 18 ديسمبر 2014, 07:26 كتبه: احمد

زكريا هو الخاسر وليس الاهلى فى كل الاحوال الاهلى هو البطل واى لاعب ينضم للاهلى ينال البطولات واسألوا لاعبى الزمالك كم بطوله حصلوا عليها

الخميس 18 ديسمبر 2014, 04:31 كتبه: جاسر

يتحسسونا ان احنا بنجري ورا رونالدو!اللعيب اللي موش حاطت الاهلي الاول مفروض الاهلي مايجريش ورآه.

الأربعاء 17 ديسمبر 2014, 21:59 كتبه: عبده البقال

يا جماعة المشكلة مش فى اللاعب او ميوله .... اكيد موش مرة واحدة بقت نص لاعيبة مصر زمالكاوية
المسئولين عن التعاقدات بعد عدلي للقيعي بطيئون .. متكاسلون .. مصابون باللا مبالاة... يفتقدون الجدية والحسم
مؤمن ابن النادي و هادي خشبة اعلن من موسمين علي انتهاء صفقة اعارته ببلاش من انبي و اتخطف تاني يوم للزمالك بدون اي مضايقة
الصفقة دي كانت سهلة انها تخلص بيع نهائي مع انبي و خصوصا انه مؤثر فى الزمالك ...
وهي دي حرب الصفقات انك ممكن تأخذ صفقة علشان تضعف بيها خصمك حتي لو انت موش محتاجلها قوي ..
بس مؤمن بيجيد فى المهاجم المتأخر اللي كان بيلعب فيه جدو ... ووجوده جنب عبد الظاهر او متعب افيد من وجود 2 رأس حربة بطيئو الحركة واسلوب لعبهما متشابه

الأربعاء 17 ديسمبر 2014, 21:36 كتبه: ناصر هاشم المنسى

يا جماعه الموضوع كله مرتبط بفلوس اسلام عوض اللى مطرمخين عليها وعلاء عبد الصادق بيوجب مع انبى ناديه القديم علشان يتلموا على فلوسهم من البلطجى

الأربعاء 17 ديسمبر 2014, 17:11 كتبه: علاء

مؤمن زكريا والله مالوش فيه

الأربعاء 17 ديسمبر 2014, 17:07 كتبه: ayman bassiouny

فى وجود تريزيجه ورمضان صبحى وعبد الله السعيد وكريم بامبو وقبلهم وليد سليمان مش محتاجين مؤمن زكريا واللى محتاجينه بجد واحد زى عمرو السولية او الوحش من الاسماعيلى

الأربعاء 17 ديسمبر 2014, 17:04 كتبه: Hassan

المفروض الضغط على انبى بعرض مميز عشان الزمالك يدفع دم قلبه فيه فليس دائما التفاوض من أجل الشراء.

الأربعاء 17 ديسمبر 2014, 16:44 كتبه: aya hamed

والله ما احنا محتاجينه عندنا احسن منه بس اللى عاجبنى اننا بنكيد الاعادى

الأربعاء 17 ديسمبر 2014, 16:40 كتبه: اهلاوى طنطاوى

البنات كترو على الموقع أوى اه يا رنيا يا جامده هو علشان مرضاش يكلمك امبارح تقولى عليه كدا ؟!!!

الأربعاء 17 ديسمبر 2014, 16:40 كتبه: fathi

ياريت يكون الكلام ده صحيح . احنا مش عاوزينه اصلا لاعب عادي واقل من العادي عندنا فى الاهلي اقل ناشئ احسن منه

الأربعاء 17 ديسمبر 2014, 15:59 كتبه: رانيا

على فكره في لاعيبه كتير في الأهلي احسن منه كبار وناشئين
بلاش مؤمن زكريا أنا بحس إنه مش ستايل الأهلي من أيام
ماتش الاهلى و المصري

الأربعاء 17 ديسمبر 2014, 15:27 كتبه: الاهلي العالمي

اعطاء الفرصة لاي ناشيء والصبر عليه افضل مائة مرة من شراء لاعب ليس مضمونا ان يلمع مع الاهلي والدليل ان الاهلي فرط فيه من قبل اي انه كان غير موثوق في قدراته وعلي فكرة هو لا يصلح لاعب دولي ولن يثبت وجوده مع المنتخب والايام بيننا وكل هذا مع كامل الاخترام له كانسان لاننا نقيمه كلاعب كرة

الأربعاء 17 ديسمبر 2014, 15:14 كتبه: اهلاوى طنطاوى

هو ليه لما لعيب مبيرضاش يجى الاهلى بنقول فى ستين داهيه خلينا صادقين مع نفسنا هو لعيب مميز بس ملوش مكان فى الأ÷لى فى ناس تستحق المشاركه ماشى بس بلاش شتايم فى الاعب المحترم مؤمن وعلى فكره هو من قطاع الناشئين الاهلى يا ولاء يا عسل D:

الأربعاء 17 ديسمبر 2014, 14:39 كتبه: roshdy

كما قالت الاخت ولاء الدين فى ستين داهية -احب ان اقول ان صبحى و كريم وعمرو وردة احسن منة بمراحل و افضل منة بكثير - ليس لدية اى موهبة - احيانا الظروف تخدمة - اسلام رشدى احسن منة - بلاش الجرى وراء مؤمن زكريا -

الأربعاء 17 ديسمبر 2014, 14:07 كتبه: ولاء الدين

فى ستين داهية الاهلى عمرة مابيجرى ورا لاعب ايا كان اسمة

مباريات :

أمس اليوم الغد الأهلى