محمد نصر يبعث طلقات نارية ضد النادي الأهلي

الأحد 01 يوليو 2018, 20:57 كتب : محـــمد فـــرج

اطلق المخرج التليفزيوني محمد نصر عدة تصريحات نارية ضد مجلس إدارة الأهلي والسياسة المتبعة في الصفقات خلال الانتقالات الصيفية الماضية.

وكتب نصر على حسابه بموقع التواصل الاجتماعي "فيس بوك": "مش فاهمك ياأهلى هو انت مستنى اللعيبة الى بتعشقك ومش عايزه غير الفانلة الحمراء ومش فارق معاها ملايين حتاخدها من نادى تانى مش فاضل غير انها تيجى تديك فلوس علشان تلعب معاك، حسين الشحات ده صفقة المواسم مش الموسم فرطت فيه علشان ٢ مليون زيادة ولسة شاريك يا اخى لم مننا وأشتريه من العين".

وتابع نصر: "عبد الله البكرى قال رغبتى الاولى الاهلى ومحدش يقولى سموحة طالب ملايين خلاص ده بقى عادى، ورامى صبرى حيبيع هدومه وييجى الاهلى، أما كهربا اهلاوى اكتر من جماهير الاهلى وفرطنا فيه ولسة فى عقده سنتين ولسة شاريك".

واستطرد المخرج التليفزيوني: "مهند لاشين لعيب بيموت فى تراب الاهلى بس قالو له معلش عندنا كتير منك، محمود متولى حاليا عايز الاهلى باى شكل واتحدى، الجديد بقى ان فيه لعيبة معاك مش شارياك اساسا وحتمشى مع اول إشارة بالملايين وممكن للزمالك كمان علشان يقولك الفلوس اهم حتى لو روحت لمنافسك الاول".

وتابع: اشترى اللى اشتراك وطلع فلوسك لازم الملايين لغة الكورة للاسف حاليا للعيبة معظمهم وليس كلهم لا يستحقون آلاف وليس ملايين ولكن لام تعتمد على شبابك والتدعيم فى أضيق الحدود وليد سليمان الاحترام عنوان و حسين الشحات الرجولة عنوان".