خالد الغندور يفتح النار على أحمد شوبير

فتح الإعلامي خالد الغندور النار على أحمد شوبير، بعد الحديث عن وجود بعض الاقتراحات بمنح الأهلي لقب الدوري مع إلغاء الهبوط.

وعلق الغندور على تصريحات شوبير عبر صفحته على الفيس بوك “ يا تري ليه لا يتم اعلان البطل في الدرجة الأولي و يصعد و لا ده حرام و ليه اخر ٣ أندية ما ينزلوش درجة ثانية و لا ده هيبقي ظلم و يا تري كابتن شوبير بيشتغل في قناة الاهلي و لا قناة عامة و يا تري اللي تقدم بالاقتراح ده أندية مين مش المفروض يتم الإعلان عن اسمائهم و لا كلام مرسل”.

وأضاف “و يا تري الأهلي الأهم عنده في بيانه هو عودة النشاط عشان الفلوس و اقتصاديات الكرة و فلوس البث التلفزيوني و لا مش هتفرق ساعتها، المهم اللقب عشان تتحسب للمجلس بطولة و يا تري كابتن شوبير هيفضل طول الوقت يتبني آراء المجلس الحالي و ابنه بيلعب في الفريق الأول و يا تري ده كلام قانوني و عادل و يا تري كابتن شوبير و هو بيتكلم عن الدوريات العائدة لماذا لم يذكر الدوريات الذي تم الغائها بسبب كارثة كورونا “.

وتابع “و يا تري فيه بلد في العالم باقي لديها الدور الثاني بالكامل و اكثر كمان و يا تري لما الزمالك كان متصدر الموسم الماضي بفارق نقاط كبير و حصلت كارثة كورونا كان هيتم اعلان الزمالك البطل و يا تري الحظر هيتشال امتي و نرجع لحياتنا الطبيعية قبل الكلام في عودة الدوري”.