” المقموص ملهوش مكان”.. القيعي يظهر العين الحمراء ويوجه رسائل نارية للاعبي الأهلي
علي سيد أحمد
27 ديسمبر، 2022
أخبار الأهلي, الأخبار, مميز
333 زيارة
وجه عدلي القيغي رئيس شركة الكرة بالنادي الأهلي رسائل هامة للاعبي الفريق الأول لكرة القدم بالقلعة الجمراء عقب تراجع أدائهم خلال المواجهات الأخيرة في بطولة الدوري الممتاز.
وقال القيعي في تصريحات متلفزة عبر قناة “الأهلي”:” مفيش ماتش سهل كاس العالم ادانا دروس بس الرسايل موصلتلناش مفيش ماتش سهل و”المواعيد الكبرى بيبقى التركيز عالي طب ما التركيز يبقى عالي في الماتشات اللي انتوا شايفينها سهلة”.
وتابع في حديثه” دي كرة القدم المجتهد ياخد نصيبه والمتعالي والمتراخي فاقد الشغف ملوش مكان ومفيش فريق كبير مخسرش من فرق لم تتأهل الارجنتين من السعودية فرنسا من تونس المغرب طلعت اسبانيا وطلعت البرتغال يعني لما تقول قبل البطولة المواجهات دي صعب تتوقعها”.
وأضاف” الكورة دي فيها فلسفة الحياة مفيش حد لا يملك قوة ما علشان كدا “اللي قدامك متحمس.. الكورة دي علشان انا راجل مهاري هبقى متفوق؟ طب لو الكورة موصلتلكش محدش هيشوف قدراتك هتبقى احسن مني في ايه؟”.
وشدد” لأن انا متحمس اوي وانت شوية حاسس ان مين اللي قدامي ده؟ اذا لعبنا بالمفهوم ده هقطع عليك ماية ونور وانت هتطلع من الماتش هيتقال مجاتلوش كورة”.
وتابع ” ده مش هجوم عليكم كلاعبين ولكن احنا بنقول أن الامكانيات التي تمتلكوها اعلى من اللي بتقدموه وثقتنا موجودة فيكم اكتر حتى لو الناس بتترجم ان اللي حاصل ده قلة شغف”.
واتم حديثه قائلاً” جابوا انتوا على الناس دي كلها بدل ما تتقمص ومتروحش تسلم على الجمهور لا جيب جول ورد في الملعب الناس بتحب اللعيبة ليه؟” مضيفاً ” حاسين انهم متفاعلين معاهم لكن لو انت خدت ان تشجيعي ده حقك المكتسب ومش من حقي اني ازعل منك هترتكب غلطة هنا اتحدث عن النجوم مش اللعيبة الكويسة النجم يتحمل الضغوط “.
وتعادل الفريق الأول لكرة القدم بالنادي الأهلي سلبياً أمام نظيره نادي سموحة السكندري في إطار منافسات الجولة التاسعة من بطولة الدوري المصري الممتاز.
ويستعد فريق الأهلي بقيادة السويسري مارسيل كولر للمواجهة المقبلة أمام نظيره نادي سيراميكا كليوباترا المحدد لها يوم الأربعاء 28 ديسمبر الجاري في تمام الساعة السابعة مساءً بتوقيت القاهرة ضمن مباريات الجولة العاشرة من مسابقة الدوري العام.
إقرأ أيضاً
AhlyNews.com – موقع أخبار النادي الأهلي و منتخب مصر موقع أخبار النادي الأهلي و منتخب مصر
