حسام حسن يخرج عن صمته عقب لقاء الأهلي.. (اتقالي مش هسيبك غير لما تبطل كورة.. وهسيب البلد)

شن حسام حسن المدير الفني للفريق الأول لكرة القدم بنادي المصري البورسعيدي هجوماً مدوياً على طاقم تحكيم مباراة الأهلي التي جمعت بين الفريقين مساء أمس الأربعاء على ستاد”برج العرب” بالإسكندرية.

وحقق الأهلي فوزاً صعباً على نظيره المصري بهدفين دون رد ضمن منافسات الجولة الثلاثون من فعاليات بطولة الدوري العام.

وقال حسام حسن، في مداخلة هاتفية ببرنامج «اللعيب» المذاع عبر فضائية «ام بي سي مصر»: «خلال مباراتنا مع الأهلي بالأمس حكم الراية هددني وقالي (مش هسيبك إلا لما أبطلك كورة)، الجملة دي كانت بالنسبالي كأن واحد بيقتلني، أنا دخلت المؤتمر الصحفي عشان أخد حقي بعد المباراة».

وأضاف: «لحد دلوقتي أنا مس مستوعب اللي قاله الحكم .. الحكم ده قبل ما يتولد حسام حسن كان بيلعب كورة، يقولي هبطلك كورة».

وواصل: «أنا مش عايز اتكلم عن اخطاء التحكيم حتي وإن كان لنا ركلة جزاء وهدف ملغي في حاجة اسمها كرامة، أنا حاصل على وسام الجمهورية بعد كأس العالم 90، وحكم راية يتكلم معايا بهذا الشكل!، يبقى هو متأكد إن مفيش اتحاد الكورة هيحاسبه».

وأردف: «لن أوجه أي طلب إلي وزير الشباب والرياضة والا حتي إلي رئيس الوزراء، أن بطلب من الرئيس عبدالفتاح السيسي، رئيس الجمهورية يجبلي حقي، في واحد في المنظومة قلل مني وأنا على الخط ونفسي حد يحاسبه».

واسترسل :«أنا عارف كويس إن وزير الرياضة لن يحاسب حكم الراية والا حتي اتحاد الكرة.. أنا وابراهيم لم نطلب تدريب المنتخب ولا المسؤولين في الرياضة احترموا الرأي العام الذي طالب بوجودنا لتدريب المنتخب».

وزاد: «لحد دلوقتي مخدتش حقي في شغلي وفي تعبي سواء واحنا بنلعب ولا احنا بندرب، أنا مش واخد حقي حتى في الاحترام، لما يكون مواطن بيستغيث بمنظومة والمنظومة فاسدة».

وتابع: «أنا مش بتاع كلام ولا ليا في التلميع. أنا عايز اتكلم لأن هناك خطأ حدث لي. حقي حق كرة القدم المصرية. لا أقول إنني أريد أجرًا.أنا أقول إنه كان هناك إهانة من فرد في نظام اتحاد الكرة».