شاهد الفيديو.. ميدو لخالد الغندور: يا تافه يا فاشل كنت هتعيط.. انت واخد شهادة ازاي!

رد أحمد حسام ميدو نجم الزمالك السابق، ومنتخب مصر بعنف على تصريحات خالد الغندور ضده وذلك عبر برنامج أوضة اللبس.

وقال ميدو ” الناس الجهلة اللى مبتفهمش مش عارف واخدين شهادات ازاي، قناة النادي الرسمية هى المتحدث الرسمي باسم مجلس الادارة، مفيش قناة نادي فى العالم بتهاجم اللعيبة حتى وهما بيتغلبو، باتشيكو يلم وراك ازاى وانت شغال في قناة الزمالك”.

وأضاف ” المدير الفني ومدير الكرة مطالبين الان باحتواء غضب اللاعبين سريعا خاصة ان الفريق مقبل على مباراة الترجي بدورى ابطال افريقيا، لما تبقى جاهل متمشيش ورا الناس اللى بيسخنوك   ومتهدوش نادي الزمالك، مضيفا  انت مش  جمهور  انت مسؤول افهم ان عليك مسؤلية”.

وتابع ” جيبو لى اسم نادي فى العالم بيهاجم لاعبيه انتم بتهدونا  شوفو برشلونة بيتقطع من طوب الارض لكنه قناة النادي تدعم اللاعبين ونفس الامر مع قناة الاهلي التى وقفت خلف الفريق الاحمر حتى بعد الهزيمة من سيمبا التنزاني. “.

وواصل “عندما احترفت لم أكن مرتبط بعقد مع نادي الزمالك، أنا أكثر لاعب في تاريخ الزمالك دخل فلوس للنادي، أنا مع أول فرصة حسيت إن الزمالك محتاجني فيها رجعت وكنت أول واحد موجود”.

واختتم “أفتخر “أنني هنا إعلامي كل الأندية” كما تقول، وكوني أعمل بZed، فانت كنت “هتعيط” للعمل هناك، “بلاش ميدو” متجيبش سيرتي يا “تافه ” ولا تحول الموضوع لامور شخصية لاني اهدف للصالح”.