ميدو: كهربا تطاول على موسيماني.. والخطيب استقر على هذا القرار

علق الإعلامي أحمد حسام ميدو نجم نادي الزمالك السابق على قرار النادي الأهلي بشأن محمود عبدالمنعم كهربا بإيقافه لمدة شهر وغرامته 200 ألف جنيه لعدم إلتزامه.

وقال ميدو “ الأهلي كان عارف شخصية كهربا وكان عارف الكلام ده، سمعته سابقاه على طول مشاكل في الزمالك وفي كل الأندية، أنا برأيي مخاطرة من الأهلي بضم كهربا وهو لاعب كبير ولكن شخصيته لا تجعله مهما في الفرق الكبير، لا يستطيع اللعب الجماعي، أنا كنت عارف القرار من يوم الماتش بالليل ومرضتش اتكلم“.

وتابع: كهربا زعق لموسيماني ومحدش هيعرف يغير كهربا، ممكن يتغير شوية ماشي لكن هيستمر كدة، هو مترباش على السيستم، كنت متوقع بعد موضوع الدوحة لما دور على تريكة ويسلم عليه هو دايما يدور على الشو واللقطة مش الكورة“.

وأكمل: إنت اللي مبتحبش نفسك مفيش ما يستدعي ان محدش ميحبكش هو على مستوى الشخصي طيب جدا وأنا عارف إنه طيب، بس كم من المشاكل اللي كهربا اتسبب فيها لنفسه وأنا عملت مشاكل وأنا بلعب وكل حاجة، موضوع المريخ السوداني تم التكتم عليه ولولا تدخل مسؤولي الأهلي لكان الموضوع كبر جدا، وأنا عارف بقول إيه كويس والنهاردة محضرش التدريبات، والخطيب أبلغ لجنة التسويق بتسويق اللاعب تمهيدًا لرحيله نهاية الموسم، وأنا على علم بهذه المعلومة جيدا، وفيه لاعبين المجهود معاها تضييع وقت، منهم كهربا وده لا يمنع أنه لاعب كويس جدا“.