أضحك مع كيروش.. «صلاح يكشف السبب الحقيقي وراء استبعاد محمد مجدي أفشة من المنتخب»

شنت كافة الأوساط الرياضية هجومًا حادًا إلى البرتغالي كارلوس كيروش، بسبب طريقته الفنية الخاطئة أمام منتخب نيجيريا في افتتاحية مباريات المجموعة الرابعة في دور المجموعات.

وفشل كيروش في إدارة المباراة فنيًا وخططيًا طوال دقائق المباراة، ليخسر منتخب مصر المباراة أمام نظيره النيجيري بهدف دون رد، في المباراة التي أقيمت مساء اليوم الثلاثاء على ملعب “رومدى أدجيا” بمدينة جاروا.

وشن محمد صلاح، نجم الزمالك السابق، هجومًا قويًا ضد كيروش، بسبب اختيارته الخطأ داخل الملعب وتوظيف اللاعبين بشكل سيء بالأخص الأجنية والمهاجمين.

وقال “صلاح”، في تصريحات تلفزيونية، لفضائية “الحدث اليوم”، إن مصر بها العديد من لاعبي صناع اللعب ولكن كيروش لا يرى سوى عبد الله السعيد لاعب فريق بيراميدز.

 

وأضاف: “كارلوس كيروش لم يستدعي محمد مجدي أفشة بسبب حب الجماهير للاعب وقرر عدم تواجده علشان يمشي كلامة على الكل”.

وأوضح: ” “نفس الأمر كيروش قرر يحرق محمد شريف ونزلة في أخر دقيقة علشان يحرقة أمام الجماهير ومش فاهم المدرب ده بيعمل ليه كدا، وكيروش ممهد أنه مش هيفوز ببطولة أمم أفريقيا ودا اللي قاله قبل البطولة ولو فاز بيها هيقول أنا عملت إنجاز كبير”.

وواصل “لو مدرب مصري كان متولي تدرب الفراعنة اليوم كان رحل بعد المباراة مباشرة علشان الأجنبي محمي غير المصري، ولاعبي مصر مش بيلعبوا بروح ودا غايب بشكل كبير والمدرب هو السبب في كل دا ولازم يبقى في حساب سريع”.

وأشار إلى أن كارلوس كيروش عامل زي الشريك المخالف وبيعاند الجماهير فقط، متابعًا: “كيروش بيعاند الشعب المصري ولو شايف الناس ماشية يمين بيروح هو شمال، ودايما بيتعامل مع الجماهير كدا دايما”.

 

وتساءل “صلاح”: “هل من المعقول أن مفيش حد في مصر بيفهم وكيروش بس هو اللي فينا؟!، والمدرب ده عامل زي النجار المسلح اللي بيرقع في البيت، وكيروش هيفضل يعاند شعب مصر دايما ومفيش فايدة”.

 

وأتم: “معقول مصر مفيش فيها غير صانع العاب واحد بس وهو عبد الله السعيد، المدرب دا مش عارف بيعمل أي ولازم يتحاسب، قرار عدم وجود أفشة في المنتخب علشان الجماهير بتحب اللاعب ودايما بيعمل عكس الجماهير”.