عقب الهزيمة أمام بيراميدز.. اول رد فعل من عضو مجلس إدارة الأهلي

علق محمد الدماطي عضو مجلس إدارة النادي الأهلي على قلة الحضور الجماهيري في مباراة فريقه أمام نادي بيراميدز اليوم ضمن منافسات بطولة الدوري المصري الممتاز.

وحقق نادي بيراميدز الفوز على نظيره النادي الأهلي بهدفين دون رد في إطار منافسات الجولة الخامسة والعشرون ببطولة الدوري العام حيث جاء هدفي السماوي عن طريق الثنائي إيريك تراوري وفخر الدين بن يوسف.

وكتب الدماطي عبر حسابه الرسمي على موقع التواصل الإجتماعي”فيس بوك”:”لاول مرة من خمس سنين حتكلم و انا عضو مجلس لكن بلسان حالي لوحدي ، عشان الامانة تحتم عليا دة

و عارف سيل النقد اللي حينزل عليا و تعليقات نقد علي الجانب الفني اللي انا واثق ان شاء الله انة مع الوقت اكيد حيتصلح و ثقتي كاملة في ادارة الكورة علي تخطي الصعاب ، لكن فكرة اني عيشت حياتي كلها في المدرج تخليني اقول الكلمتين دول”.

وأضاف”لازم اعادة نظر سريعة في نظام دخول الجماهير ، لا نظام الfan Id ولا اسعار التذاكر بتدخل نوعية جمهور الاهلي بتاع زمان و لا فئات الشعب اللي بتحب الاهلي و الكورة بجد ، لازم سعر التذكرة ينزل لحد ٢٥ جنية عشان اي حد يوصل الملعب رايح جاي و ياكل حاجة حيدفع زيهم مرتين يعني الماتش الواحد حيقف باقل حاجة ٧٥ جنية”.

وتابع حديثه”و دة يخلي الناس اللي مرتباتها ٣ و ٤ الاف جنية في الشهر يقدر يروح علي الاقل ٣ ماتشات في الشهر ، عكس دلوقتي اللي الماتش بيدخل في اقل حاجة ١٥٠ جنية ، نظام الحجز يرجع زي زمان من قدام النادي منافذ و شركات الاتصالات كلها مش الرعاة بس ، و الشراء بالبطاقة و رقم التليفون و يتعمل استعلام امني لو في مشكلة التذكرة بتقف من علي البوابة زي اوربا ، و تتفتح الملاعب بسعة كاملة ، احنا مصر و نعرف نامن اي عدد و في اي وقت مفيش دولة في المنطقة عندها ربع استقرارنا الامني”.

وشدد” لو في حاجة حاسس اني مقصر فيها هي اني مش قادر اشوف المدرج مقصور علي مجموعة معينة ، اللي حصل في ٢٠١١ و ربط الكورة بالسياسة كانت غلط مش حيتكرر تاني ان شاء الله ، محدش اساسا يقدر يفكر يهز الاستقرار اللي احنا وصلنا لة بعد معاناة رهيبة”.

وأنهى حديثه دة لو حد حب بس يفكر يدخل سياسة تاني بقية الجمهور هي اللي حتسكتو مش الامن حتي عظمة النادي الاهلي هي مستمدة من شخصية جمهورة ، و جمهورة هو جمهور المدرج ، لو الشخصية دي مع الوقت تاهت حتبقي خطر كبير علي رفعة النادي في المستقبل”.